இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் இருந்த பிணக்குகள் நீங்கும். உடல் நலம் சீராகும். புதியவர்கள் நண்பர்களாவர். எதிர்பார்த்த பணம் கைக்கு வரும். வீடு, வாகன பராமரிப்புச் செலவுகள் அதிகரிக்க வாய்ப்பு உள்ளது.

ரிஷபம்: தேவையற்ற விவாதங்களை தவிர்ப்பது நல்லது. குடும்பத்தில் எதிர்பாராத செலவுகள் வந்து போகும். முன்கோபத்தை தவிர்க்கவும். பழைய கடன்களில் ஒன்று தீர வழி கிடைக்கும். நண்பர்கள் உதவுவர்.

மிதுனம்: சில காரியங்களை அலைந்து, திரிந்து முடிக்க வேண்டிய வரும். பிள்ளைகளால் டென்ஷன் அதிகரிக்கும். அநாவசிய செலவுகளை தவிர்ப்பது அவசியம். பூர்வீக வீட்டை சீரமைத்து, விரிவுபடுத்தி கட்டுவீர்கள்.

கடகம்: பிரச்சினைகளின் ஆணிவேரை கண்டறிவீர்கள். பிள்ளைகளின் பெருமைகளை மற்றவர்களிடம் சொல்லி மகிழ்வீர். நாடி வந்தவர்களுக்கு உதவி செய்வீர். உறவினர் வீட்டு விஷேசங்களை முன்னின்று நடத்துவீர்கள்.

சிம்மம்: தன்னம்பிக்கையுடன் பொது காரியங்களில் ஈடுபடுவீர்கள். பழைய உறவினர்கள், நண்பர்கள் தேடி வந்து பேசுவார்கள். புண்ணிய ஸ்தலங்கள் சென்று வருவீர்கள். அதிக செலவு வைக்கும் வாகனத்தை விற்பீர்கள்.

கன்னி: மனக்குழப்பம் நீங்கி தெளிவான முடிவுகள் எடுப்பீர்கள். குடும்பத்தில் நிம்மதி உண்டு. செலவுகளை கட்டுப்படுத்தி சேமிக்கத் தொடங்குவீர்கள். பிள்ளைகளின் சாதனைகளால் மகிழ்ச்சி உண்டாகும்.

துலாம்: எதிர்பார்த்தவை தாமதமாகும். குடும்பத்தில் சிறு வார்த்தைகள் கூட பெரிய தகராறில் போய் முடியும். உங்களை நீங்களே குறைத்து மதிப்பிட வேண்டாம். அக்கம் பக்கத்தினருடன் அளவாக பழகவும்.

விருச்சிகம்: உங்களது திறமைகள் வெளிப்படும். சவாலான காரியங்களையும் செய்து முடிப்பீர்கள். மனைவிவழி உறவினர்கள் மதிப்பார்கள். பழைய பள்ளி, கல்லூரி நண்பர்களை சந்திப்பீர்கள். பணவரவு திருப்தி தரும்.

தனுசு: குடும்பத்தாரின் ஒத்துழைப்பு அதிகரிக்கும். அதிகாரப் பதவியில் இருப்பவர்கள் அறிமுகமாவர். நீண்ட நாளாக இழுபறியாக இருந்த வழக்கு சாதகமாகும். அரசால் ஆதாயம் உண்டு. பொருட்கள் சேரும்.

மகரம்: புதிய முயற்சிகள் அனைத்தும் வெற்றி அடையும். பிள்ளைகள் கேட்டதை வாங்கி தருவீர்கள். உங்களைச் ற்றியிருப்பவர்களில் நல்லவர்கள் யார் என்பதை கண்டறிவீர்கள். பழைய வாகனத்தை விற்பனை செய்வீர்.

கும்பம்: பழைய நல்ல சம்பவங்களை நினைவுகூர்ந்து மகிழ்வீர்கள். தாயாருடன் கருத்து மோதல்கள் வரும். வீடு, கன பராமரிப்பு செலவுகள் அதிகரிக்கும். இதுவரை தாமதமான காரியங்கள் ஒவ்வொன்றாக நடந்தேறும்.

மீனம்: பேச்சில் முதிர்ச்சி தெரியும். அரசால் அனுகூலம் உண்டு. சொத்துப் பிரச்சினையில் நல்ல தீர்வு கிடைக்கும். பிள்ளைகளின் உயர்கல்வியில் கவனம் செலுத்துவீர்கள். யாருக்கும் உறுதிமொழி தர வேண்டாம்.

- ஜோதிஷபூஷண் வேங்கடசுப்பிரமணியன்