இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பல வகையிலும் பண வரவு அதிகரிக்கும். எதிர்ப்புகள் அகலும். கடன் பிரச்சினையில் இருந்து விடுபடுவதற்காக ஓயாமல் உழைப்பீர்கள். முகப்பொலிவு, ஆரோக்கியம் கூடும்.

ரிஷபம்: செலவுகள் கட்டுக்கடங்காமல் போகும். திடீர் பயணங்கள் அதிகரிக்கும். அவ்வப்போது பணப் பற்றாக்குறை வந்தாலும் சமாளிப்பீர்கள். நாடி வந்தவர்களுக்கு இயன்ற உதவியை செய்வீர்கள்.

மிதுனம்: அச்சம், கவலை, மன இறுக்கம் குறையும். திட்டமிட்டு செயல்படுவீர்கள். கணவன் - மனைவிக்குள் அன்யோன்யம் அதிகரிக்கும். சுப நிகழ்ச்சிகள் நடந்தேறும். பேச்சில் நிதானம் தேவை.

கடகம்: எதிரிகளை வீழ்த்தும் வல்லமை கிடைக்கும். கறாராக பேசி காரியம் சாதிப்பீர்கள். வீண் செலவுகளை குறைத்து சேமிப்பில் கவனம் செலுத்துவீர்கள். பழுதான சாதனங்களை மாற்றுவீர்கள்.

சிம்மம்: குடும்பத்தில் உங்கள் வார்த்தைக்கு மதிப்பு கூடும். எதிர்பார்த்த விலைக்கே பழைய சொத்தை விற்பீர்கள். பெரிய மனிதர்கள், வெற்றி பெற்றவர்களின் நட்பு கிடைக்கும்.

கன்னி: மனதில் இருந்த குழப்பங்கள் நீங்கி, தெளிவு கிடைக்கும். குடும்பத்தில் மகிழ்ச்சி தங்கும். பிள்ளைகளின் போக்கில் நல்ல மாற்றம் தென்படும். யாரையும் எடுத்தெறிந்து பேசக் கூடாது.

துலாம்: புதியவர்களின் அறிமுகமும், அதனால் ஆதாயமும் கிடைக்கும். வரவேண்டிய பணம் கைக்கு வரும். வருங்கால வளர்ச்சிக்காக சேமிக்கத் தொடங்குவீர்கள். வழக்குகள் சாதகமாக முடியும்.

விருச்சிகம்: எதிர்பார்த்த தொகை கைக்கு வந்துசேரும். குடும்பத்தில் அமைதி பிறக்கும். உங்கள் ஆலோசனையை அனைவரும் ஏற்று நடப்பார்கள். அக்கம் பக்கத்தினரால் அனுகூலம் உண்டு.

தனுசு: பல சவால்களை எதிர்கொள்ள வேண்டி வரும். உடல்நலத்தில் அதிக அக்கறை காட்டுவது நல்லது. இழுபறியாக இருந்த சொத்து பிரச்சினையில் சுமுகமான தீர்வு கிடைக்கும்.

மகரம்: தவிர்க்க முடியாத செலவுகள், பயணங்கள் வரும். உறவினர், நண்பர்கள் வீட்டு விசேஷங்களை முன்னின்று நடத்துவீர்கள். சிபாரிசு செய்வது, ஜாமீன் கையெழுத்திடுவது வேண்டாம்.

கும்பம்: சுப நிகழ்ச்சிகள், பொது விழாக்களில் உங்களுக்கு முதல் மரியாதை கிடைக்கும். நவீனரக வாகனங்கள், மின்னணு, மின்சார சாதனங்கள், வீட்டு உபயோகப் பொருட்கள் வாங்குவீர்கள்.

மீனம்: கடின உழைப்பால் சாதனை படைப்பீர்கள். நீண்ட காலமாக அலைக்கழித்த மனப் போராட்டங்கள் ஓயும். உங்கள் சமயோசிதமான பேச்சால், தடைபட்ட வேலைகளை முடிப்பீர்கள்.

- ஜோதிஷபூஷண் வேங்கடசுப்பிரமணியன்