காங்கிரஸ் கட்சியில் இருந்து விலகி... நேற்று முன் தினம் பாஜகவில் சேர்ந்த நடிகை குஷ்பு... நேற்று சென்னையில் பத்திரிகையாளர்களை சந்தித்தார். அப்போது - பத்திரிகையாளர்களின் அனைத்து கேள்விகளுக்கும் பல்வேறு பாவனைகளுடன் பதில் அளித்தார். படங்கள்: ம.பிரபு

காங்கிரஸ் கட்சியில் இருந்து விலகி நேற்று முன் தினம் பாஜகவில் சேர்ந்த நடிகை குஷ்பு... இன்று (13.10.2020) சென்னை தியாகராய நகரில் உள்ள பாஜகவின் தலைமை அலுவலகமான கமாலாலயதுத்துக்கு வருகை தந்தார். உடன் பாஜக தமிழக தலைவர் எல்.முருகன். படம் : ம.பிரபு

’கரோனா’ தொற்றுப் பரவல் தடுப்பு பணியில் தமிழக காவல் துறை மும்முரமாக செயல்பட்டு வரும் நிலையில்... சென்னை - போக்குவரத்து போலீஸார் சார்பில் சென்னை - கீழ்ப்பாக்கத்தில் ஈகா தியேட்டர் சந்திப்பு அருகே இன்று (13.10.2020) கரோனா விழிப்புணர்வு நடன நிகழ்ச்சி நடைபெற்றது. இதில் நடன கலைஞர்கள் கலந்துகொண்டு நடனமாடி ’கரோனா’ விழிப்புணர்வு பிரச்சாரம் மேற்கொண்டனர். இந்நிகழ்ச்சியில் போக்குவரத்துப் பிரிவு காவல் கூடுதல் ஆணையர் கண்ணன், இணை ஆணையர்கள் லட்சுமி, செந்தில்குமார், உதவி ஆணையர் கிறிஸ்டோஃபர் உட்பட பலர் கலந்து கொண்டனர். படங்கள் : பு.க.பிரவீன்

கோவை - புளியகுளம் பகுதியில் பருவநிலை மாற்றம் காரணமாக இன்று (13.10.2020) காலையில் திடீரென்று லட்சக்கணக்கான தட்டான் பூச்சிகள் பறந்து பரபரப்பை ஏற்படுத்தின. படங்கள் : ஜெ.மனோகரன்

மதுரை ராஜாஜி அரசு மருத்துவமனையில் ’கரோனா’ தொற்றால் பாதிக்கப்பட்டோருக்கான சிகிச்சைப் பிரிவில் தமிழக சுகாதாரத் துறைச் செயலர் ஜெ.ராதாகிருஷ்ணன் மற்றும் உயர் அதிகாரிகள் இன்று (13.10.2020) ஆய்வு மேற்கொண்டனர். அருகில் - ராஜாஜி அரசு மருத்துவமனை முதல்வர் சங்குமணி . படங்கள் : எஸ். கிருஷ்ணமூர்த்தி

காங்கிரஸ் கட்சியில் இருந்து விலகி நேற்று முன் தினம் பாஜகவில் இணைந்த நடிகை குஷ்பு இன்று (13.10.2020) சென்னை - மீனம்பாக்கம் விமான நிலையம் வந்தார். அவருக்கு ராட்சத மாலை அணிவித்து, பூரண கும்ப மரியாதை செய்து மாநில பாஜகவினர் கோலாகல வரவேற்பு அளித்தனர். அருகில் - பாஜக மாநிலத் தலைவர் எல்.முருகன். படங்கள் : எம்.முத்துகணேஷ்

சென்னையின் பல்வேறுபகுதிகளில் வசிக்கும் வடமாநிலத்தவர்கள் நவராத்தி பண்டிகையையொட்டி துர்க்கா சிலைகளை வைத்து வழிபடுவது வழக்கம். அதற்காக சென்னை - தியாகராய நகரில் உள்ள தக்கர் பாபா வித்யாலயா வளாகத்தில் துர்க்கா சிலைகள் மும்முரமாக தயார் செய்யப்பட்டு வருகின்றன. படம் : ம.பிரபு

புதுச்சேரி தமிழ்ச் சங்கத்தின் சார்பில் நடைபெற்ற மத்திய அமைச்சர் ராம்விலாஸ் பாஸ்வானுக்கான இரங்கல் கூட்டத்தில் கலந்துகொள்ள வந்த புதுவை முதல்வர் நாராயணசாமியை... பணி நிரந்தரம் செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி அங்கன்வாடி ஊழியர்கள் இன்று (13.10.2020) முற்றுகையிட்டனர். ’’என்னை முற்றுகையிட்டு கோரிக்கை வைக்கும் இடமா இது?” எனக் கூறி, இரங்கல் நிகழ்ச்சியில் கலந்து கொள்ளச் சென்றார் புதுவை முதல்வர். படங்கள் : எம்.சாம்ராஜ்

புதுச்சேரி - கனகன் ஏரியில் நச்சு ரசாயனக் கழிவுநீர் கலந்ததால்... அந்த ஏரியில் சிலேபி கெண்டை வகை மீன்கள் இன்று (13.10.2020) அதிகளவில் செத்து மிதந்தன. இதனால் அந்தப் பகுதி முழுவதும் துர்நாற்றம் வீசுகிறது. படங்கள் : எம்.சாம்ராஜ

புதுச்சேரி அமுதசுரபி கூட்டுறவு பெட்ரோல் பங்க் ஊழியர்களுக்கு முறையாக ஊதியம் வழங்கப்படாததை முன்னிட்டு அந்த பெட்ரொல் பங்க் முன்பு அந்நிறுவன ஊழியர்கள் இன்று (13.10.2020) முற்றுகை போராட்டத்தில் ஈடுபட்டனர். படங்கள் : எம்.சாம்ராஜ்

புதுச்சேரியில் வரும் அக். 15 முதல் தியேட்டர்கள் இயங்கும் என அரசு அறிவித்திருந்ததையடுத்து... கிருமி நாசினி தெளித்து தியேட்டட்களை சுத்தம் செய்யும் பணியில் தியேட்டர் ஊழியர்கள் இன்று (13.10.2020) ஈடுபட்டனர், படம்: எம்.சாம்ராஜ்

புதுச்சேரி - ஆதிதிராவிடர் நலத் துறையின் சார்பில்... வீடற்றவர்களுக்கு இலவச மனைப்பட்டாவை முதல்வர் நாராயணசாமி இன்று (13.11.2020) வழங்கினார். அருகில் - வைத்திலிங்கம் எம்பி, அமைச்சர் கந்தசாமி, விஜயவேணி எம்எல்ஏ ஆகியோர். படங்கள்.எம்.சாம்ராஜ்

தமிழக முதல்வர் பழனிசாமியின் தாயார் தவுசாயம்மாள் உடல் நலக்குறைவு காரணமாக சேலத்தில் தனியார் மருத்துவமனையில் சேர்க்கப்பட்டிருந்தவர்... இன்று (13.10.2020) அதிகாலையில் உயிரிழந்தார். அவரது இறுதி சடங்கு இன்று மாலையில் எடப்பாடி அருகே உள்ள சிலுவம்பாளையத்தில் நடைபெற்றது. இந்நிகழ்ச்சியில் தமிழக அமைச்சர்கள், சட்டப்பேரவை உறுப்பினர்கள், அதிமுக கட்சியினர் உட்பட பலர் கலந்துகொண்டனர். படங்கள் : எஸ்.குருபிரசாத்

தமிழக முதல்வர் பழனிசாமியின் தாயார் தவுசாயம்மாள் உடல் நலக்குறைவு காரணமாக சேலத்தில் தனியார் மருத்துவமனையில் சேர்க்கப்பட்டிருந்தவர்... இன்று (13.10.2020) அதிகாலையில் உயிரிழந்தார். தாயின் உடலைப் பார்த்து முதல்வர் பழனிசாமி கண்ணீர் மல்க அஞ்சலி செலுத்தினார். உடன் அவரது குடும்பத்தினர். படங்கள்: எஸ். குரு பிரசாத்

அஞ்சல்தலை சேகரிப்பு தினத்தை முன்னிட்டு... சென்னை - அண்ணா சாலையில் உள்ள தலைமை அஞ்சல் அலுவலகம் சார்பில்... ’கரோனா’ தொற்றுப் பரவல் தொடர்பாக விழிப்புணர்வை ஏற்படுத்தும் வகையில்... சிறப்பு அஞ்சல் உறை இன்று (13.10.2020) வெளியிடப்பட்டது. இதை தமிழ்நாடு வட்ட தலைமை அஞ்சல்துறைத் தலைவர் பா.செல்வராஜ் வெளியிட... சென்னை மாவட்ட ஆட்சியர் ஆர்.சீதாலட்சுமி பெற்றுக் கொண்டார். இந்நிகழ்ச்சியில் - சென்னை நகர மண்டல அஞ்சல்துறைத் தலைவர் சுமதி ரவிச்சந்திரன், தலைமை அஞ்சல்துறைத் தலைவர் (மெயில், வர்த்தக மேம்பாடு) ஜே.சாருகேசி ஆகியோரும கலந்துகொண்டு நிகழ்ச்சியை சிறப்பித்தனர். படங்கள் : ம.பிரபு