ஆசியாவில் ஆதிக்கம் செலுத்தும் நாடுகளின் பட்டியலை வெளியிட்டுள்ளது, ஆஸ்திரேலியாவைச் சேர்ந்த லோவி இன்ஸ்டிடியூட். 
 

நாடுகளின் பொருளாதாரம், ராணுவத் திறன், வெளிநாட்டு உறவு, கலாச்சாரம், எதிர்கால வளர்ச்சி அடிப்படையில் ஆனது இந்தப் பட்டியல். 

இந்தப் பட்டியலில், முதல் இடத்தில் அமெரிக்காவும், இரண்டாம் இடத்தில் சீனாவும் உள்ளன. 

மூன்றாம் இடத்தில் ஜப்பான் இருந்த நிலையில், தற்போது ஐப்பானைப் பின்னுக்குத் தள்ளி இந்தியா 3-வது இடம் பிடித்துள்ளது. 

இந்தப் பட்டியலில் 4-வது இடத்தில் ஜப்பான், 5-வது ஆஸ்திரேலியா, 6-வது இடத்தில் ரஷ்யா, 7-வது இடத்தில் தென் கொரியா உள்ளன.

8-வது இடத்தில் சிங்கப்பூர், 9-வது இடத்தில் இந்தோனேசியா, 10-வது இடத்தில் தாய்லாந்து ஆகிய நாடுகள் உள்ளன. 

கரோனாவுக்குப் பிறகு வேகமாக மீண்டெழுந்தது இந்தியாவின் வலுவான வளர்ச்சியைக் காட்டுவதாக லோவி இன்ஸ்டிடியூட் அறிக்கை கூறுகிறது.

இந்தியாவில் இளைய தலைமுறையினரின் எண்ணிக்கை அதிகமாக உள்ளது. வளர்ச்சிக்கு இது முக்கிய காரணியாக கூறப்பட்டுள்ளது.

அதேசமயம், பொருளாதார ரீதியான தீவிர ஏற்றத்தாழ்வு, அடிப்படை வசதிகளின் தேவை இந்தியாவின் சவாலாக நீடிக்கிறதாம்!